బుల్లితెరపై ప్రసారమవుతున్న జబర్దస్త్ షో గురించి ప్రేక్షకులకు పెద్దగా పరిచయం చేయనవసరం లేదు. ఈ షో మొదటి నుంచే ప్రేక్షకులను బాగానే ఆకట్టుకుంటోంది .కానీ ఇప్పుడు ఆదరించిన వాళ్ళే ఈ షో పై విమర్శల వర్షాన్ని కురిపిస్తున్నారు.మొదట్లో ఈ షో టిఆర్పి రేటింగ్ భారీగానే ఉండేది.. చాలామంది కమెడియన్స్ ఈ షో ద్వారానే తమలో ఉన్న టాలెంట్ ను నిరూపించుకున్నారు. ఈ షో నుంచి వెండితెరపై అడుగుపెట్టి అక్కడ కూడా తమ టాలెంట్ నిరూపించుకుంటున్నారు.
ఇక సంపాదన విషయానికి వస్తే జబర్దస్త్ షోకి రాకముందు కనీసం వాళ్ళకి సొంత ఇల్లు కూడా లేదు జబర్దస్త్ లోకి వచ్చిక సొంత ఇల్లు, సొంత కార్లు కొని సెటిల్ అయ్యారు.అయితే రాను రాను హద్దులు మీరుతూ కామెడీ ఉండడంతో..ఒకప్పుడు ఈ షో ని చూడాలంటే ఎంతో ఇష్టపడేవారు.. ఇప్పుడు ఈ షో చూడాలంటే భయమేస్తోందట..ఎందుకంటే అందులో శోభనం సీన్స్ అలాగే డబల్ మీనింగ్ డైలాగులతో ప్రేక్షకులను భయపెడుతోంది.
అయితే ఈ షో కి జడ్జ్లు మారారు అలాగే కమెడియన్స్ కూడా కొత్త వాళ్లు వచ్చారు. అందుకే ఈ షో పై కొత్తగా విమర్శలు కూడా వస్తున్నాయి.కామెడీ అనేది నవ్వే అంతవరకే ఉండాలి హద్దులు మీరే దాకా ఉండకూడదు అంటూ సోషల్ మీడియాలో జబర్దస్త్ గురించి కామెంట్స్ వినిపిస్తున్నాయి. అనసూయ ఉన్నప్పుడు ఈ షో బాగానే క్రేజ్ దక్కించుకుంది. కానీ ఆమెపై కూడా కామెంట్స్ చేస్తుంటే ఆ షోను వదిలేసింది.
అనసూయ స్థానంలో రష్మీ, సౌమ్యరావు ఉన్నప్పటికీ వారు అంతగా మెప్పించలేకపోతున్నారు. ప్రేక్షకులకు ఈ షోపై ఇంట్రెస్ట్ పూర్తిగా తగ్గిపోయింది. రేటింగ్ కూడా తగ్గిపోవడంతో మల్లెమాల ఒక నిర్ణయానికి వచ్చిందని తెలుస్తోంది.జబర్దస్త్ షో ని ఆపేసి ఈ షో ప్లేసులో సరికొత్త ప్రోగ్రామ్ చేయాలని ప్లాన్ చేస్తున్నట్లు తెలుస్తోంది. అయితే ఇందులో ఎంత నిజం ఉందో తెలియదు కానీ ఇదంతా అనసూయ వెళ్లాకే జరిగిందని అనసూయ ఉసురు తగిలిందేమో అంటూ పలువురు నెటిజన్స్ కామెంట్స్ చేస్తున్నారు.
